Udaberri kantoi-hautsia

Mario Benedetti

2018

Itzultzailea

Aiora Jaka Irizar

Uruguai, 1973ko estatu-kolpearen ondorengo diktadura militarra. Santiago kartzelan dago, eta haren familia, berriz, Mexikon erbesteratuta. Nork bere ikuspuntutik, eta nork bere tonu eta estilo berezia erabiliz, bost pertsonaia nagusiek beren esperientzien berri ematen dute, beren kezkak, beldurrak eta desirak azalduz elkarri. Injustizia, zapalkuntza, borroka, militantzia, espetxealdia, tortura, maitasuna, fideltasuna, traizioa… behin eta berriro agertzen dira pertsonaien ahotan, orain tonu serio nahiz poetikoan kontatuak, orain umore, ironia edo sarkasmo handiz azalduak, baina beti ere Benedettik berezko duen humanismo eta samurtasunaz zipriztinduak.

Eleberri honek erbestezko negu luze baten ondorengo udaberriaren etorrera ospatzen du, baina udaberri horrek hautsia du kantoi bat, eta pertsonaiek bertan islatzen den errealitate berrira egokitzen ikasi beharko dute.

16,00 €

15,20 € Kluba

Kopurua

Erosi

Xehetasunak

Argitaletxea Erein

Generoa Narratiba

Edizioa 1

ISBN 978-84-91092-60-5

Hizkuntza Gaztelania

Argitalpen data 2018 urr 18

Orri kopurua 256

Pisua 312gr

Zure iritzia eman liburuaz

Iruzkinak 0 iruzkin

Egilea/k ezagutu

Mario Benedetti

1920 Paso de los Toros (Tacuarembó, Uruguay ) - 2009 Montevideo (Uruguay)

Uruguaiko autorerik emankor eta irakurrienetako bat da. Genero anitz landu zituen (poesia, eleberria, antzerkia, ipuinak, saiakera…), eta 80tik gora liburu argitaratu. Uruguaiko 1973ko estatu-kolpe militarraren ondorioz, erbestean eman behar izan zituen hamabi urte, Argentinan, Perun, Kuban eta batez ere Espainian. Benedettiren liburuek gizakiaren kezkak eta eguneroko bizimodua dituzte ardatz, eta leku nabarmena eskaintzen diete gai sozial eta politikoei. 1973 ondoren idatzitakoetan behin eta berriro agertzen dira errepresioa, kartzela, erbestea, tortura eta Uruguaiko eta Latinoamerikako errealitatearekin loturiko beste hainbat gai.

Mario Benedetti idazlearen beste liburu batzuk

Aiora Jaka Irizar

1982, Donostia

Gasteizko Letren Fakultatean Itzulpengintza eta Interpretazioko lizentzia ikasi zuen lehen promozio hartako ikasleetako bat izan zen Jaka 2000 eta 2004. urteen artean. Geroztik, itzulpenari loturiko bestelako lanbideetan ere aritu izan den arren (euskara eta gaztelania irakasle Ingalaterran, Elhuyar fundazioan hiztegigile, Eskura Itzulpen Zerbitzuetan itzultzaile, basqueliterature.com eta EIZIEren webguneetan webmaster eta itzultzaile…), unibertsitate-munduari lotuta jarraitu du beti. 2011n Joseba Sarrionandiaren itzulpengintzari buruzko doktore-tesia bukatu zuenetik, Euskal Herriko Unibertsitatean dihardu lanean, itzulpengintza arloko ikasgaiak irakasten. Literatur itzulpenean ere aritua da, bereziki haur eta gazte literaturako liburuak itzultzen. 2011n Haur Literaturako Vitoria-Gasteiz saria jaso zuen Janosch alemanaren Esan, ama, nork egiten ditu umeak? liburuaren itzulpenagatik, eta 2013an, berriz, Jokin Zaitegi beka irabazi zuen Maialen Marin itzultzailearekin batera Mo Yan idazle txinatarraren Hori da umorea, maisu! obra euskaratzeko.

Harremanetan jarri