Hemen eta orain Naturari buruzko istorioak, patxadaz bizitzeko, begiratzen ikasteko eta gauzarik txikienekin liluratzeko

Laura Brand

2024

Ilustratzailea

Freya Hartas

Itzultzailea

Amaia Apalauza Ollo

Laura Brand idazleak eta Freya Hartas ilustratzaileak hemen eta orain gozatzera gonbidatzen gaituzte liburu arrakastatsu honetan: une batez geratu, naturari begiratu, eta liluratu gaitezen gauzarik txikienekin.

Hogei istorio, irudi koloretsu ederrez lagundurik, haurrak inguruan duten munduari begira jar daitezen. Ikusi nola edaten duen nektarra kolibriak. Edo nola egiten duen beldarrak bere etxea. Testu eder bat benetako zientziaz bustia, natura gertutik behatzeko. Egin dezagun geldiune bat bidean, hemen eta orain alaitasunean murgiltzeko. Istorio bakoitzak naturan gertatzen den une labur bat biltzen du, animalien, landareen, eguraldiaren eta naturako beste hainbat elementuren datu eta azalpenez lagunduta. Liburu perfektua dugu haur eta gazte naturazaleentzat.

Liburu hau aparta da haurrek (eta helduek!) denbora har dezaten une batez geratu eta naturari arreta osoa emateko.

21,00 €

16,80 € Kluba

Kopurua

Erosi

Xehetasunak

Argitaletxea Txalaparta

Bilduma TXO!

Generoa Narratiba

Edizioa 1

ISBN 978-84-19319-82-1

Hizkuntza Euskara

Gomendatutako adina 6 - 99

Argitalpen data 2024 mai 8

Orri kopurua 52

Pisua 577gr

Informazio gehiago

Fitxa teknikoa

Zure iritzia eman liburuaz

Iruzkinak 0 iruzkin

Egilea/k ezagutu

Amaia Apalauza Ollo

1979 Iruñea (Nafarroa, Euskal Herria)

Ikasketaz euskal filologoa eta euskal hizkuntzalaritzako doktorea izan arren, itzultzaile-zuzentzaile lanetan eman ditu azken hamar urteak, eta horretan dihardu gaur egun ere. Askotariko testuak itzultzen eta zuzentzen ditu, baita literaturakoak ere, batik bat narratiba eta saiakera. Narratiban, Sergei Dovlatoven, Slavenka Drakulicen, Kazuo Ishiguroren eta Olga Tokarczuken lanak euskaratu ditu, bakarka zein beste itzultzaile batzuekin lankidetzan; saiakeran, berriz, Angela Davis, Bell Hooks eta Ryszard Kapuscinski itzuli ditu. Txalapartan, euskarara ekarriak ditu Iñaki Egañaren ETAren historia laburra, Miguel Santos ‘Belatz’en Gerezi garaia, Joseba Gabilondoren Babel aurretik eta Slavenka Drakulicen Sekula ez liokete euli bati hegalik kenduko. EIZIEko zuzendaritza-taldeko kide aktiboa da 2015. urteaz geroztik.

Harremanetan jarri

Amaia Apalauza Ollo idazlearen beste liburu batzuk

Sekula ez liokete euli bati hegalik kenduko

Laura Brand

Laura idazlea eta ilustratzailea da. Ingalaterrako landa-eremuan bizi da, bere familiarekin eta animaliekin. Artearekin esperimentatuz eta sormena landuz lan egiten du, eta haur zein helduentzako ikastaroak ematen ditu. Artea eta naturarekiko lotura uztartzen ditu, sinetsita baitago hori dela buru-osasunaren eta ongizatearen funtsa.

Freya Hartas

Freya ilustratzaileak haurrentzako liburuetarako irudiak egiten ditu. Bristol hiri zirraragarrian bizi da, bere bikotekidearekin eta Katsu katu beltz zaharrarekin, eta bulego partekatu batean lan egiten du, atsegina bezain nahasia. Ilustrazio Ikasketak egin zituen Falmouth Unibertsitatean, eta ohorezko matrikula eman zioten, 2014an. Pertsonaia, animalia eta munstro dibertigarriak asmatzea eta haientzako fantasiazko munduak sortzea maite du. Liburu ilustratuak eta haur helduagoentzako liburu klasikoetako irudiak marraztu ditu.