Basoan barrena

Anthony Browne

2014

Itzultzailea

Manu López Gaseni

Basoan barrena, albumeko protagonista Txanogorritxorekin identifikatzen da inplizituki: aita ez dago etxean, amak gaixorik dagoen amonari opil bat eramatea eskatzen dio eta, ipuin klasikoko neskak bezala, bide laburraren eta bide luzearen artean aukeratu behar du bere helburura iristeko. Kontakizun hau guztiz irudimentsua da eta umeen fantasia, beldurrak eta kezkak erakusten ditu. Anthony Browne-rekin batera, irakurlea misterioz betetako baso baterako bidaia ahaztezina egingo du. Han beste ipuin batzuetako pertsonaiekin egingo du topo, baina ezer ez da dirudiena.

16,00 €

15,20 € Kluba

Kopurua

Erosi

Xehetasunak

Argitaletxea Pamiela

Generoa Narratiba

Edizioa 1

ISBN 978-84-76817-98-8

Hizkuntza Euskara

Gomendatutako adina 6 - 6

Argitalpen data 2014 urt 10

Orri kopurua 32

Pisua 666gr

Zure iritzia eman liburuaz

Iruzkinak 0 iruzkin

Egilea/k ezagutu

Anthony Browne

1946 (Reino Unido)

Leeds College of Art delakoan graduaturik, diseinu grafikoan espezializatu zen. Haurrentzako ilustrazioak egiteko zaletasuna zorion-txartelak diseinatzen zituen garaitik datorkio. Browneren estiloan antzeman daiteke margolari surrealistekiko, eszena onirikoekiko eta elementu bitxiekiko interesa. Bere ibilbidean jaso dituen sari aipagarrienak dira Kate Greenaway domina, Kurt Maschler saria eta Children’s Laureate 2009 domina. Hala ere, guztien gainetik, Hans Christian Andersen saria dago, bere obra osagatik 2000. urtean eman baitzioten. Sari hori jasotako lehen idazle britainiarra da, 1956az geroztik. Itzal handieneko egile ingelesetariko bat da, batez ere irakurtzeko, begiratzeko eta lengoaia plastikoarekin erlazionatzeko bide berriak zabaltzeko ahaleginagatik. Kritikarien arabera, haren lanak kultur eta arte erreferentziaz betetako unibertsoa sortu du, edozein adinetako irakurleak testua osatzeko eta interpretatzeko duen adimena probatzen duten ikusarrasto eta giltzarri ugari erakusten baitu.