Ernesto elefantea

Anthony Browne

2021

Itzultzailea

Manu López Gaseni

Ernesto oihanean galdu da eta, antza denez, hango inor ez dago prest elefante-taldera bueltatzen laguntzeko. Ez piztiarik indartsuenak, ez basatienak, ez azkarrenak ere egiten du elefantetxoari entzuteko zirkinik txikiena; aitzitik, mespretxuz tratatzen dute. Harrigarria bada ere, ordea, animaliarik txikienak eskaintzen dio behar duen laguntza eta aditzea. Istorio honetan, Anthony Brownek islatzen ditu protagonistaren izaera ausarta, haurtzaroak berezko duen jakin-mina, baina baita beldurra ere, konturatzen denean eta arriskuetatik babesten duen helduarengandik urrun eta bakarrik dagoela. Solaskide dituenen enpatia faltak gizarte indibidualista eta besteren arazoekiko sorgorra erakusten du. Gauzak, ordea, ez dira diruditena, eta itxuraz ahulen eta hutsalenak direnak gertatzen dira adoretsu eta eskuzabalenak, trukean ezer eskatu gabe. Bere ibilbide zabal eta entzutetsuan zehar ezaugarri izan duen xehetasunetarako joerari eutsiz, testuinguru koloretsu exotikoa eta pertsonaia zehazki karakterizatuak dauzkan obra bat aurkezten du egileak, kontakizunean zehar erakusten diren emozio sortarekin bat eginez.

16,00 €

15,20 € Kluba

Kopurua

Erosi

Xehetasunak

Argitaletxea Pamiela

Generoa Narratiba

Edizioa 1

ISBN 978-84-91722-09-0

Hizkuntza Euskara

Argitalpen data 2021 api 22

Orri kopurua 32

Pisua 410gr

Zure iritzia eman liburuaz

Iruzkinak 0 iruzkin

Egilea/k ezagutu

Anthony Browne

1946 (Reino Unido)

Leeds College of Art delakoan graduaturik, diseinu grafikoan espezializatu zen. Haurrentzako ilustrazioak egiteko zaletasuna zorion-txartelak diseinatzen zituen garaitik datorkio. Browneren estiloan antzeman daiteke margolari surrealistekiko, eszena onirikoekiko eta elementu bitxiekiko interesa. Bere ibilbidean jaso dituen sari aipagarrienak dira Kate Greenaway domina, Kurt Maschler saria eta Children’s Laureate 2009 domina. Hala ere, guztien gainetik, Hans Christian Andersen saria dago, bere obra osagatik 2000. urtean eman baitzioten. Sari hori jasotako lehen idazle britainiarra da, 1956az geroztik. Itzal handieneko egile ingelesetariko bat da, batez ere irakurtzeko, begiratzeko eta lengoaia plastikoarekin erlazionatzeko bide berriak zabaltzeko ahaleginagatik. Kritikarien arabera, haren lanak kultur eta arte erreferentziaz betetako unibertsoa sortu du, edozein adinetako irakurleak testua osatzeko eta interpretatzeko duen adimena probatzen duten ikusarrasto eta giltzarri ugari erakusten baitu.