Une honetan ez duzu ezer saskian. 
Literotura: erotismoaren euskal bilduma
Txalaparta 2020.06.19
Zabaldu
Euskal Herrian, beste leku batzuetan bezalaxe, literatura erotiko dexente kontsumitzen da. Gehienetan erdaraz, jakina. Literotura bildumarekin hasi ginenean, duela hogei urte pasatxo, euskaraz ez zen ia ezer argitaratzen. Pixkana-pixkana sortu dugu corpus bat, euskaraz idatzitakoen eta euskarara itzulitakoen artean. Gozatu euskaraz ere egiten dugulako, beste zernahiren gisan, eta gozarazi ere egin nahi dugulako, irakurketaren bitartez kasu honetan. Orain arte argitaratutako tituluekin gatz eta piper puxka bat ekarri nahi izan dugu Txalapartaren katalogora eta euskal literaturaren plazara. Plazer hartu!
Sasian zegoela ekin zion idazleak klandestinitatea, sexua eta umorea nahasten dituen kontakizun pito hau idazteari. Liburu honetako protagonistak, Karlosek, ihesari ekin behar dio Guardia Zibilak herrian egindako atxiloketa batzuk medio. Nafarroan hasi eta Euskal Herritik oso urrun amaituko den alde-egite eroan, aberriaren edo sozialismoaren militante baino sexuaren militante den Karlosek...
Zukafukamusuka
Patxi Zubizarreta Dorronsoro Judit Ruiz de Munain Jokin Mitxelena Erice
Argitaletxea Txalaparta
Zukafukamusuka hiru lagunen elkarlanetik jaiotako lana da: Judit Ruiz de Muniain, Jokin Mitxelena eta Patxi Zubizarreta. Izenburua bera bezain ausarta, sentsuala eta iradokorra da liburu hau; egunerokotasunari itzuri egiteko antidotoa duzu eskuartean, eragozpenik gabeko plazera bilatzeko errezeta. Gizakiaren pultsiorik menderakaitzenak beldurrik gabe bizi dituzte orriotako protagonistek eta...
Anaïs Ninek, diruak behartuta, ipuin erotikoak idatzi zituen aberats anonimo batentzat 1940ko hamarkadan. Hainbat urtez, narrazio ugari idatzi zituen bildumagile horrentzat, izan ere, horrek dolar bat ordaintzen zion idatzitako orrialde bakoitzeko. Hala ere, ez zen Ninen hasierako asmoa ipuinok argitaratzea, bere ustez pertsonaiak muturreko karikaturak zirelako. Baina, 1970ean, iritzia aldatu...
Lizunkeria, likiskeria, lohikeria...deitzen zioten garai bateko elizgizonek gaur guk erotismoa edo sexu-gogoa esaten diogun horri. Ehun testutik gora sartu ditugu antologia honetan, aldez edo moldez lizuntzat jo daitezkeenak. Izan ere, alde ederra dago Etxepareren Emazten fabore eta Miranderen Hiru putattoak poemen artean. Ez ditugu ahaztu lizunkeriaren aurka sutsu jardun zuten Axular edo Frai...
Oscar Wilderen Dorian Grayren erretratua eleberri famatua hiru ikuspegi biltzen dituen idazlana da: betiko gaztetasunaren inguruko gogoeta du muin, dandismoak apaindutako misteriozko narrazioa da eta armairuan idatzitako eleberri gaya da. Baina Wilderen garaiko gizartea gaur egungo gurearen antzekoa izan balitz, nola idatziko zukeen idazleak eleberria? Erantzuna agerikoa iruditzen zaigu: oso...
Izenaren jabe den Esku bakarrarekin irakurtzeko kontuak honetan, Pilar Cristobalek, luma jostariz eta naturaltasun harrigarriz, hamahiru narrazio aletzen dizkigu, zein baino zein bustiagoa eta goriagoa. Irakurlea eskutik hartu eta leihatilatxo batera darama, bere voyertasunaz atsegin har dezan: jaun-andereen eta bere mirabearen arteko harremanak, familia baten larrutaldi xelebreak, zakila...
Eleberri honetan Onan izeneko mutilaren bizitza kontatzen zaigu, hamaika urte dituenetik hogei betetzen dituen arte. Mutilaren nerabezaroa eta gaztaroa dira hain zuzen orrialdeok biltzen dutena. Bere osabaren eta adiskide adituen laguntzaz, sexuaren mundu liluragarria aurkituz joango da poliki-poliki Onan, eta gure gizartearentzat tabu aipaezin diren hainbat eta hainbat kontu gauzarik...
Harpidetu gure newsletter-ean
Nobedadeak, deskontuak, albisteak… jasotzeko
Erlazionatutako edukiak
Anaïs Nin: 70 urte ondoren ere, tabuak apurtzen · Garazi Arrula
2018.07.19
2017ko abenduan argitaratu genuen Garazi Arrularen lehen sorkuntza-liburua, Gu orduko hauek. Baina, ordurako letren munduan eskarmentu...
Txalaparta eta sexua
2019.06. 9
Hogeita hamar urteko bizitzan, argitaletxe honek ahalegina egin du irakurleen gozamen espiritualak elikatzeko, 1.000 liburutik gorako katalogoari...
LGTBI literatura: letrak armairutik kanpora
2022.06.27
'Pasión y muerte del cura Deusto' liburua argitaratuz Txalapartak omen egin nahi dio Augusto D’Halmar-i haren heriotzaren 80. urteurrenean....
Iruzkinak 0 iruzkin