LGTBI literatura: letrak armairutik kanpora

Pasión y muerte del cura Deusto liburua argitaratuz Txalapartak omen egin nahi dio Augusto D’Halmar-i haren heriotzaren 80. urteurrenean. Txileko idazle oparo eta sona handiko honek ausardia izan zuen bere garaian nagusi zen moralari buru emateko eta kontatzeko, natural eta sotil, ordura arte tabu bat zena: bi gizonen arteko maitasuna. Berak bezala, beste egile askok ere erabaki zuten beren literaturaz baliatzea fundamentalismoari eta intolerantziari aurre egiteko. Bidea ireki zuten, kontzientziak astindu, beldurrak eta erruak askatu zituzten eta idazlan ederrak utzi zizkiguten, libre izaten ikasten segi dezagun. Gure gonbidapena hau da, beraz: harrotasunez gozatu hautatu ditugun eleberri eta kontakizun hauek, sexu bereko pertsonen arteko maitasunaz mintzo direnak.