Mujeres, ultramarinos y coloniales

Jaio zen Madrilen, nahiz eta berak Mieres (Asturias) zuen sorleku. Katalunian bizi izan zen 40 urtez eta bertan dira egun bere seme-alabak eta bilobak. Zuzenbidea ikasi zuen Bartzelonako eta Santiago de Compostelako unibertsitateetan eta Bartzelonako La Vanguardian ekin zion kazetaritza beharrari; hogeita zazpi urte baino ez zituela erredakzio-buru ere izan zen egunkari berean. Interviú aldizkariko sortzaile eta zuzendari izan zen, eta Por favor-eko bultzatzaileetako bat; azken horren 3. orrialdean idazten zuen aldizkaria argitaratzeri utzi zioten arte. Economía Mediterranea ere sortu eta zuzendu zuen eta gastronomiari eta turismoari buruzko aldizkari bi. Zeta taldearen argitalpen-aholkulari aritu zen, eta El Periodico sorreran parte hartu zuen. Maria Teresa Camposekin jardun zuen hainbat urtez TVE katean eta saioaren zenbait tarte berak lantzen zituen. Estatu eta eskualde mailako telebista-kate batzuetako solasaldietan parte hartu izan zuen urte anitzetan, baita irratian ere: RNE, COPE, Onda Cero, Radio Miramar, SER… Horrela, Luis del Olmo, Iñaki Gabilondo eta Carlos Herrera izan ditu lankide, besteak beste. Unibertsitatetan eta gizarte-etxetan hitzaldiak eman ohi ditu. EITBko eta Radio Euskadiko parte-hartzaile ohikoa zen.