Larrua hotz

Albert Sánchez Piñol

2008

Itzultzailea

Zigor Garro Perez

Independentzia eskuratu berri duen Irlandako errepublika gaztea inarrosi duen Guda Zibiletik ihesi, irlandar matxino ohia den protagonistak itsasbideetatik aparte dagoen irla galdu batera joko du, bertako egurats-ofizial izateko asmoz. Doi kilometro t’erdiko luzera duen lur-eremuan, itsasargia, etxola bat, aurreko egurats-ofiziala beharko lukeen gizona eta bere oroitzapenak izango ditu lagunarte bakar… ustez.

Stevenson, Lovecraft edota Conrad-en obrekin parekatua izan den eleberri honen dohainik handiena, beharbada, nahi gabe ere pentsarazteko duen ahalmena da. Estilo single baten pean, irudi eta ideia indartsuen literatura da Piñolena. Narrazioaren harian katigatuta, irakurleak ezingo dio hain urrun eta, aldi berean, hain hurbil dagoen egiari, beldurrari, ihes egin.

18,55 €

17,63 € Kluba

Kopurua

Erosi

Xehetasunak

Argitaletxea Txalaparta

Bilduma AMAIUR

Generoa Narratiba

Edizioa 1

ISBN 978-84-81365-41-2

Hizkuntza Euskara

Argitalpen data 2008 aza 12

Orri kopurua 320

Pisua 360gr

Informazio gehiago

Zure iritzia eman liburuaz

Iruzkinak 1 iruzkin

Irati Jimenez 2018(e)ko otsailaren 9(a)

Hasieran, gerratik datorren Robinson, munduaren bukaera, itsasargi bat. Gero, ahaztu ezineko ezustekoa. Ondoren, zibilizazio baten azken egunak edo edozein zibilizazioaren lehenak. Azkenean, egia sinple bat: piztiak geu garela, larrua hozten zaigunean.

Egilea/k ezagutu

Albert Sánchez Piñol

1965 Bartzelona (Bartzelona, Països Catalans)

Idazle eta antropologo katalana, Afrikako diktadoreei buruzko Pallasos i monstres satira gordina argitaratu zuen 2000. urtean eta, ondoren, Compagnie difficili (Marcello Fois-ekin batera) eta Les edats d’or saiakerak kaleratu zituen italieraz eta katalanez. Hala ere, lehen eleberriarekin eskuratu zuen arrakasta, Larrua hotzekin (La Campana, 2002). Epe laburrean eta inolako laguntzarik gabe, milaka ale saldu, liburua hogeita bost hizkuntza baino gehiagotara itzuli, film proiektu bat martxan jarri eta bi sari erdietsi zituen. Geroztik, Piñolek berezko tokia du idazle katalanen artean.