Mecanografiak

19,00 € 18,05 € Kluba

Saskira gehitu

Azala deskargatu

Mecanografiak Harkaitz Canoren ipuinen antologia bat

Harkaitz Cano Jauregi

2018

Hitzaurre-egilea

Irati Jimenez Uriarte

Liburu honek Espainako Kultura eta Kirol Ministeritzaren edizio-laguntza jaso du.

Idazle batzuek gauza bat egiten dakite eta oso ondo egiten dute, baina beste idazle batzuek gauza asko egiten dakite eta horiek guztiak oso ondo egiten dituzte; Harkaitz Cano bigarren talde horretakoa dugu. Euskal literaturaren azken hamarkadetako erreferentzia nagusienetakoa da Harkaitz eta gure literaturako ipuingilerik oparoenetakoa dugu. Irati Jimenez idazleak Harkaitz Canok idatzitako hamarnaka ipuinen artean genero eta formatu ezberdinetako narraziorik onenak bildu ditu, irakurlearen plazera helburu: mikroipuinak, fantastikoak, errealistak, metaliterarioak, umoretsuak, gordinak, surrealistak, satirikoak...

“Bilduma ez-akademiko bat, koherentziarik galdu gabe egiten saiatu naizena. Irakurle berri batzuk idazle handi baten mundu alegiazkoetara erakarriko ditu, beharbada, eta ezagutzen dutenei akaso irakurri ez dituzten narrazio batzuk ekarri eta beste batzuk gogoratuko dizkie. Deskatalogaturiko radiobiografia batzuk biltzen ditu, euskaraz eman gabeko ipuin bat, prentsan eta lan kolektiboetan barreiatutako narrazio batzuk eta Canoren ipuin liburuetako ale bikainenetako zenbait”.

Gure literaturak daukan idazle osoenetariko, oparoenetariko eta trebeenetariko baten mundu literario berdingabea ezagutzeko eta gozatzeko egindako oparia da antologia hau.

19,00 €

18,05 € Kluba

Kopurua

Erosi

Xehetasunak

Argitaletxea Txalaparta

Bilduma AMAIUR

Generoa Narratiba

Edizioa 2

ISBN 978-84-17065-50-8

Hizkuntza Euskara

Argitalpen data 2018 ira 8

Orri kopurua 296

Pisua 366gr

Informazio gehiago

Zure iritzia eman liburuaz

Iruzkinak 1 iruzkin

Izaskun 2018(e)ko abenduaren 27(a)

"Mecanografiak" ari naiz irakurtzen eta komentatu nahi dizuet benetan gozatzen ari naizela, plazer hutsa da gure Cano haundiaren antologia hau. Liburuaren formatua bera ere asko gustatu zait, txikia baina tapa gogorrarekin, oso erosoa, goxoa eta atsegina, diseinu pixkat vintage horrekin... Zoragarria! Zorionak liburuan parte hartu duzuen guztioi eta bereziki Txalaparta argitaletxeari 30 urte betetzeagatik. Jarrai dezazuela beste horrenbeste urtetan hain lan txukunak ateratzen!

Egilea/k ezagutu

Irati Jimenez Uriarte

1977 Mundaka (Bizkaia, Euskal Herria)

Ikus-entzunezko Komunikazioa ikasi zuen eta kazetaritzan dihardu. Malcolm X: Duintasunaren kolorea haurrentzako biografia argitaratu du; Augustin Zubikarai saria irabazi du Bat, bi, Manchester eleberri laburrarekin; Donostia Hiria saria irabazi du Laranja azalaren negarra ipuinarekin eta Igartza beka Nora ez dakizun hori eleberriarekin (azken eleberri hau gaztelerara, italierara eta errusierara itzuli dute). Txalaparta argitaletxean, aipatu Malcolm X haurrentzako biografiaz gain, Atsekabe zaitut narrazio laburra eta Aiztoa eta arkatza antologia argitaratu ditu euskaraz, eta, gazteleraz, hainbat egilerekin batera Vírgenes catódicas, putas recalcitrantes saiakera.

Harremanetan jarri

Irati Jimenez Uriarte idazlearen beste liburu batzuk

Vírgenes catódicas, putas recalcitrantes

Harkaitz Cano Jauregi

1975 Lasarte (Gipuzkoa, Euskal Herria)

Donostian burutu zituen zuzenbide ikasketak, baina idaztea izan du beti ogibide. Lubaki Bandan hasi zen literatur jardunean eta 1994an argitaratu zuen bere lehen idazlana, Kea behelainopean bezala poesia liburua. Gerokoak dira Beluna jazz (1996) eta Pasaia blues (1999) eleberriak, Belarraren ahoa (2004) ukronia eta Neguko zirkua (2005) eta Beti oporretan (2015) ipuin bildumak. Hiru bider irabazi du Euskadi Saria eta bi aldiz Espainiako Kritikarena. Twist (2011) nobelarekin, 111 Akademia aipamena ere erdietsi zuen. Besteak beste Sylvia Plath, Anne Sexton, Hanif Kureishi, Paul Auster eta Allen Ginsberg euskaratu ditu eta nederlanderaz, galegoz, grezie-raz, ingelesez, gaztelaniaz, errusieraz, alemanez eta italieraz irakur daitezke bere liburuak.

Harremanetan jarri