Lekuak

18,50 € 17,57 € Kluba

Saskira gehitu

Azala deskargatu

Lekuak

Name: Lekuak
Author: Bernardo Atxaga

Bernardo Atxaga

2005

Bere izenak adierazten duen bezala, lekuez hitz egiten du liburuak. Egilearen jaioterria ez ezik, Paris, Maroko, Salzburgo eta beste hainbat azaltzen dira bere orrialdeetan. Hala ere, liburuko leku batzuk ez dira geografikoak, edo ez behintzat geografikoak bakarrik. Halaxe gertatzen da Obaba, Euskadi, Euskal Hiria eta beste batzuekin. Kasu horietan, poesiaren edo politikaren esparruetara zabaltzen da gaia. Irakurleak era askotako testuak aurkituko ditu ataletan; gogoetak aurkituko ditu, ipuinak, bidaia-kronikak, komentario umoretsuak edota dramatikoak, kritikak. Nolanahi den, orrialde guztiek kontakizun bakarra osatzen dute, bereziki beren oinarri biografikoagatik. Leku desberdin askotan gertatu delako idatzi du egileak liburu hau, eta bere esperientziaren berri eman nahi izan digulako.

18,50 €

17,57 € Kluba

Kopurua

Erosi

Xehetasunak

Argitaletxea Pamiela

Generoa Narratiba

ISBN 978-84-76814-60-4

Hizkuntza Euskara

Argitalpen data 2005 aza 16

Orri kopurua 246

Zure iritzia eman liburuaz

Iruzkinak 0 iruzkin

Egilea/k ezagutu

Bernardo Atxaga

1951 Asteasu (Gipuzkoa, Euskal Herria)

Joseba Irazu Garmendiaren goitizena da. Ekonomia Zientzietan lizentziatu zen Bilboko Unibertsitatean, eta hainbat lanbidetan aritu izan zen (euskara irakaslea, irratiko gidoilaria, liburu-saltzailea, ekonomialaria, etab.), harik eta, azkenik, laurogeiko hamarkadaren hasiera aldera, literaturari bete-betean ekin zion arte. Hasiera-hasieratik langile saiatu eta zorrotza izan da (1972an argitaratu zituen bere lehenengo poemak euskaraz, antologia labur batean; 1976an bere lehenengo eleberria argitaratu zen, Ziutateaz; 1978an Etiopia poema-liburua eman zen argitara...). Barne-mundua bikain erabiltzen du eta, ondorioz, hizkuntza jaso legez euskarak duen adierazkortasunaren eta sendotasunaren erreferentzia saihestezin eta bikain bihurtu da Bernardo Atxaga. Baina, are gehiago, Valeria Clompiren iritziz, une bakoitzean erabiltzen duen hizkuntzaren parez pare eraikitzen du beti bere literatura Atxagak. Eta, izan ere, Atxagaren lanaren edertasunak aintzatespena jaso du etengabe 1989az geroztik: Obabakoak liburuaren edizioak (1988an aurkeztu zen) mundu hispaniko osoaren mirespen sutsua lortu zuen. Euskadi saria, Kritikaren saria eta Prix Millepages jaso ditu, eta bere lana hogei hizkuntza baino gehiagora itzuli da; hori guztia dela eta, idazleak merezitako errespetua erdietsi du, eta errespetu hori berretsi egin da, inolako salbuespenik gabe, lan berri bat argitaratu duen bakoitzean. Poemas & Híbridos, Bi anai, Zeru horiek, Obabakoak, Gizona bere bakardadean, Hehi euskaldun baten historia, eta bar.. adibide ezin hobeak dira.

Bernardo Atxaga idazlearen beste liburu batzuk