Bancocracia

Liburu honek hainbat gako ulertzen laguntzen du; besteak beste, krisia nola sortu zen, banketxeak desarautzearen ondorioak eta banketxe pribatuek jarraitutako logika eta horiek egunerokoan egiten dituzten manipulazio eta krimenak, gobernuen eta banku zentralen konplizitate eta babesarekin betiere.

Bankuen sektorea sozializatzearen aldeko aldarria ere bada, banketxeak zerbitzu publiko bihur daitezen eta legez kontrako zor publikoa bertan behera utz dadin, neurri handi batean banketxeen erreskateak eragindako zorra baita. Modu erraz batean idatzita dago saio hau, eta ezinbesteko tresna da egungo krisia ulertzeko eta garaiotan egiten ari diren politikak ez bezalako aukera koherente bat ezagutzeko.