Arrotza

Idazle eta filosofo frantsesa. Kazetari konprometitua ere izan zen, nazien okupazio garaian erresistentzian militatzeraino. Haren jarrera militanteak eragin handia izan zuen XX. mende osoan. Haren literatur obran badira antzerkiak, eleberriak eta saiakerak. 1957an literatur Nobel saria eman zioten. Harenak dira, besteak beste, idazlan hauek: Arrotza (1942), Izurria (1947), La chute (1956) eleberriak; Sisyforen mitoa (1942), Gizon matxinatua (1951) saiakerak; Kaligula (1938), Le malentendu (1944), Gizon zuzenak (1949) antzerkilanak.  Idazle eta filosofo frantsesa. Kazetari konprometitua ere izan zen, nazien okupazio garaian erresistentzian militatzeraino. Haren jarrera militanteak eragin handia izan zuen XX. mende osoan. Haren literatur obran badira antzerkiak, eleberriak eta saiakerak. 1957an literatur Nobel saria eman zioten. Harenak dira, besteak beste, idazlan hauek: Arrotza (1942), Izurria (1947), La chute (1956) eleberriak; Sisyforen mitoa (1942), Gizon matxinatua (1951) saiakerak; Kaligula (1938), Le malentendu (1944), Gizon zuzenak (1949) antzerkilanak. 

Filosofia ikasi zuen Erromako Santo Tomasso Unibertsitatean. Euskal letren eta batik bat itzulpengintzaren erakundetzean lan ikaragarria eginikoa dugu: 1977an, Hordago argitaletxearen sortzaile izan zen, eta bertako euskarazko argitalpenen arduradun; 1980an, Martuteneko Itzultzaile Eskolaren sorkuntzan parte hartu zuen, eta irakasle aritu zen bertan 1991ra arte; halaber, Senez  aldizkariaren sortzaile da, eta 1984tik 1989ra arte haren zuzendari ere izan zen; 1987an, Euskal Itzultzaile, Zuzentzaile eta Interpreteen Elkartearen sortzaileetako bat izan zen, eta elkarteko idazkari nagusia 1992ra arte. Gainera, Lur Entziklopediaren zuzendari izan zen 1991tik 2000ra bitartean.  Itzulpengintza izan da Josu Zabaletaren jardun profesionalaren ardatza: batez ere frantsesetik, italieratik eta gaztelaniatik itzuli du euskarara. Haatik, zenbait lan lexikografikotan ere parte hartu du, eta baita euskarazko hainbat testulibururen sorkuntzan ere, hizkuntz aholkulari gisa.  2001 eta 2008 urteetan, Literatur Itzulpengintzaren Euskadi Saria jaso zuen,  Fantasiazko ipuinak eta Gaueko gezurrak itzulpenengatik, hurrenez hurren. 2013an, berriz, Itzulpengintzaren Espainiako Sari Nazionala. Epaimahaiaren hitzetan, “Euskarazko literatur itzulpengintzan aitzindari izateagatik, eta euskal hizkuntza literario eta poetikoak garatzeagatik”.