Argitaletxea Eneida

Hogei urteko ibilbidearekin, ENEIDAk espazio propioa konkistatu du estatuko argitaletxeen panoraman, bere independentziari, bere izenburuen hautaketari eta bere edizio zainduari esker. Bere izateko arrazoia, argitaletxeen unibertso hain oparoan, etengabe aldatzen ari den gizarte batean murgilduta dagoen irakurle adimentsu baten premiez arduratzea da. Horregatik, katalogo zabala du gaiei dagokienez, baina aparta izenburuak eta egileak hautatzeko orduan.

Denbora horretan, ENEIDAk katalogo zabal baten sustraiak errotu ditu. Katalogo horretan ia genero guztiak daude jasota: narratibatik hasi (Espainiako eta nazioarteko literaturako egile nagusiak biltzen dituen Confabulaciones bilduma), eta diziplina desberdinei buruzko saiakeren sorta anitza den Puntos de vista bildumaraino: literarioak, historikoak, artistikoak, etab. Ezin ditugu aipatu gabe utzi bere bilduma klasikoak: Biblioteca ensayo, Bestiarios, Semblanzas literarias, Poesi´a para el tercer milenio, Eneida antologi´as eta Cuadernos de educacio´n para la salud. Halaber, aldizkako bi argitalpen ditu: El invisible anillo, literatura eta poesia aldizkaria, eta Historia del presente, XX. mendeko historia sakon aztertzea xede duena. Nabarmentzekoa da egin duen apustu berria, hain zuzen ere, Posibilidades de ser a trave´s del arte, hezkuntza-materialentzako Rosa Rega`s saria irabazi duena eta elkarrizketa originala eta interesgarria ezarri duena orain arte argitaratu dituen hogeitik gora aleetan, artearen, sorkuntzaren eta gizakiak etorkizuneko gizartea eraikitzeko erabiliko dituen balioen artean.