Une honetan ez duzu ezer saskian. 
- Home
- Argitaletxe lagunak
- Altaffaylla
Argitaletxea Altaffaylla
1985ean gazte talde batek elkarte bat abiarazi zuen ekimen kulturalak bultzatzeko Tafallan, Nafarroako Erriberaren eta Mendialdearen artean kokaturiko lekuan. Aukeratutako izena –ALTAFFAYLLA–, ziurrenik herrialdearen iparraldean aurki daitekeen toponimo arabiar nabarmenena da, eta elkartearentzat izen hori aukeratzeak dagoeneko agerian uzten zuen gazte haiek zuten borondatea: zuhaitz honen sustrai euskaldunetatik abiatuta, inguruan ernaldu zaizkion adar berri guztiei leku egitea eta denak integratzea.
Ordudanik ugari izan dira antolatutako ekimenak eta argitaratutako lanak, beti ere herriarekin edota Nafarroarekin estuki lotuta dauden gaiei buruzkoak. Egindako lanak, azken batean, Tafalla argitalpenen munduan leku nabarmena duen herria izatea lortu du. Memoria historikoaren berreskurapenak, azken batean, lehentasunezko lekua du ekimen berrien agendan. Argitaratu diren zenbait lan –Navarra 1936. De la esperanza al terror-, gainera, erreferenteak bihurtu dira Nafarroaren historiografian. Beste lan batek –Saharaui herria–, 1989an Espainiako Kultura Ministerioaren saria jaso zuen, urtero hobekien argitaratutako liburuari eman ohi zaiona. Baina, gainera, argazki historikoen artxiboa, ondare kulturalaren defendatzailea, gure ohituren eta folklorearen sustatzailea eta euskararen zabalkundean eragilea ere bada, besteak beste, ALTAFFAYLLA elkartea.
