Home
Noticias
Euskal Herrian literatura beltza sustatzeko VIII....

Euskal Herrian literatura beltza sustatzeko VIII. (H)ilbeltza beka

Txalaparta 8/01/2024

Noticias

Baztango Udalak, (H)ilbeltza elkarteak eta Txalaparta argitaletxeak elkarlanean euskal literatura beltza hedatu eta munduko literatura beltza euskaratzeko 2024ko (H)ilbeltza bekaren deialdia egin berri dute.

Deialdi honetan itzulpena da lagunduko duguna, eta, zehazki, Núria Cadenes idazle katalanaren Guillem eleberriaren itzulpena. Parte hartu nahi duenak eleberriaren lagin bat itzuli beharko du; lagina artikulu honen bukaeran duzue, oinarriekin batera.

Beka 6.000 eurokoa izanen da, eta bi zatitan emanen da.

Laginak 2024ko martxoaren 8a baino lehen aurkeztu beharko dira Baztango Udaleko erregistroan, eta apirilaren 30a baino lehen jakinen da bekaren irabazlearen izena.

Epaimahaiko kideak hauek izanen dira: Baztango Udalaren ordezkaria, Fernando Anbustegi; Txalaparta argitaletxearen ordezkaria, Garazi Arrula Ruiz; eta (H)ilbeltza elkarteak izendatutakoa, Beñat Irastorza.

Aurkeztutako laginean itzulpenaren kalitatea, aberastasuna eta sorburu-testuarekiko baliokidetza baloratuko dira, baita sorburu-hizkuntzatik zuzenean itzultzea ere.

(H)ilbeltza beka | Oinarriak

h-ilbeltza-beka-oinarriak-2024-itzulpena.pdf Descargar pdf

Itzulgaia | Lagina

guillem-nuria-cadenes-15-27.pdf Descargar pdf

(H)ilbeltza | Orain arte argitaratutako liburuak

Ager al daiteke pago bat egun batetik bestera, gau bakarrean, inork hura landatu gabe? Halaxe gertatu da Sophia Siméonidis kantari ospetsuaren lorategian, eta ordutik ez du lorik egiten. Egun batzuetara desagertu egiten da Sophia, gainera, nahiz eta bere senarrak kezkarik agertu ez. Asperdurak, ikertzaile senak eta gertaera latz batzuek akuilaturik, alboko etxe kalamastrako hiru bizilagun...

19,00 €
18,05 € Klub

Comprar

Aezkoako mendi sute batean hiru mendizale hil eta geroko ikerketan, poliziak bi artzain atxilotu eta espetxeratu ditu. Urtebete geroago, Konpainia izeneko aseguru etxeak Ainhoa Sanz peritua bidaliko du Aezkoara sutea ikertzera, aseguru etxeko bezero diren artzainen inplikazioa argitzeko; Konpainiak diru asko baitu jokoan bezeroak errudun joz gero. Horrela, Nabala herritik abiatuta, Ainhoak...

20,00 €
19,00 € Klub

Comprar