Xomorropoemak eta beste piztia batzuk

Leire Bilbao Barruetabeña

2016

Ilustratzailea

Maite Mutuberria Larrayoz

2017ko EUSKADI LITERATURA SARIA

Umeek literaturarekin duten lehen kontaktua poesiarekin dela ahazten zaigu sarritan. Txiki txikitako kanta, aho-korapilo eta hitz asmaketekin poesia sortzen dute berez eta natural. Irakurtzen hasten direnean, ordea, ipuin narratiboak eskaintzen dizkiegu eta poesia bazter batera utzi. Horrenbestez, urteekin poesiara hurbiltzen direnean arrotza egiten zaie, zaila eta konplikatua.
Katebegia hautsi ez dadin, eta era natural batean poesia lantzen jarrai dezaten asmoarekin sortu dira liburu hauek. Poesiak irudi berriak asmatzeko balio duelako, umeen irudimenari mugarik jarri gabe. Poesiak hizkuntza garatzeko eta berritzeko balio duelako. Erritmoa eta errima lantzeko ere baliagarriak dira poemak. Begietatik ez ezik, belarritik irakurtzen ikasi eta kantuetara hurbilpen bat erraztuz.

16,00 €

15,20 € Kluba

Kopurua

Erosi

Xehetasunak

Argitaletxea Pamiela

Generoa Narratiba

Edizioa 2

ISBN 978-84-76819-63-0

Hizkuntza Euskara

Argitalpen data 2016 aza 22

Orri kopurua 80

Pisua 386gr

Zure iritzia eman liburuaz

Iruzkinak 0 iruzkin

Egilea/k ezagutu

Leire Bilbao Barruetabeña

1978 Ondarroa (Bizkaia, Euskal Herria))

Euskarazko idazle bizkaitarra da. Zuzenbide ekonomikoan lizentziatua da Deustuko Unibertsitatean. Euskadi Irratian, Deian, eta Berrian aritu da kolaboratzaile gisa. Bertso munduarekin lotura dauka gaztetatik; txapelketa, plaza eta bertso idatziak utzi eta orain gai-jartzaile lanetan aritzen da. Aldizkari ezberdinetan ere idatzi izan du: Karmel, Bolo Bolo, Linterna gorria... Zenbait sari ere jaso ditu bertso eta literatura lehiaketetan, eta han-hemenka beste lan batzuk ere baditu argitaratuak. Helduentzako bi poema liburu ditu: Ezkatak (Susa, 2006) eta Scanner (Susa, 2011). Eta haur literaturan Amonak nobioa du, eta zer? (Elkar, 2006), Komunean galtzen naiz (Elkar, 2007), Markel Gelazikin (Elkar, 2008), Martin, egon geldi (Elkar, 2009), Garazi Gerezi (Gero Mensajero, 2009), Teresa Cereza (Gero Mensajero, 2009), Olagarro bat bainuontzian (Elkar, 2010), Armairu barruan ipuinak irakurtzen zituen neska (Erein, 2010), Oihana hirian (Elkar, 2011), Gaua balkoian (Mezulari, 2012), Gerrak ez du izenik (Pamiela, 2013; Etxepare saria), Xomorropoemak eta beste piztia batzuk, Piztipoemak eta beste xomorro batzuk (Pamiela, 2016; Euskadi Literatura Saria 2017) eta Mokotxiki (Pamiela, 2017).

Leire Bilbao Barruetabeña idazlearen beste liburu batzuk

Barruko hotsak eta beste soinu txiki batzuk

Bizi dantza (LIB + CD) Pirritx, Porrotx eta Marimotots

Maite Mutuberria Larrayoz

1985 Eltzaburu (Nafarroa, Euskal Herria)

Ikus-Entzunezko Komunikazioan Lizentziatua eta Ilustrazioan goi-mailako teknikaria. Publizitate, Hezkuntza eta Literatur lanak ilustratzen ditu. Hauek argitaratutako liburu batzuk: Gerrak ez du izenik (2013); Cuento de Babia y Luna (2014); Bizikleta lapurtu didate (Ibaizabal, 2014); Zerua Berun (Ibaizabal, 2014); Apaiz gerrillariaren ezkutalekua (Elkar, 2015) Kantuz 1965-2015 (Elkar, 2015); Kixotenean (Elkar, 2016); Piztipoemak eta beste xomorro batzuk (Pamiela, 2016; Euskadi Literatura Saria 2017); Xomorropoemak eta beste piztia batzuk eta Mokotxiki (Pamiela, 2017).