Sorpresa!

Bi urtetik aurrerako haurrek euren emozioak ezagutzeko, kudeatzeko eta besteenak hobeto ulertzeko sortutako bilduma da Kuku!. Bilduman, helburu bera duten hainbat elementu daude, besteak beste, album ilustratuak, horma-irudiak edota emozioak lantzeko jokoak.

Agurtzane Ortizek eta Enrique Morentek sortutako album ilustratuak sorpresa du abiapuntu. Sorpresak izoztu egiten gaitu une batez, eta etorri den bezala azkar joaten da, beste emozio bati tokia eginez. Irudimen handiko mutikoa da Manex. Bere inguru lauso eta koloretsuari begira entretenitzen da, istorioak imajinatuz eta bazterrak marrazkiz betez. Baina sekulako sorpresak dauzka zain!