La €uropa ¿De quién?

Zer nahi du Europako Batasunak? Norena da? Nori zuzentzen zaio? Zein ditu armak, tresnak? Horiek eta beste hainbat dira liburu honen egileok Europako Tratatu Konstituzionalari buruzko lehen erreferendumaren bezperetan planteatzen ditugun galderetako batzuk, eta haiekin batera beste hau: zer dakigu eta zein material dugu eztabaidatu, pentsatu erabakitzeko? Horrela agertu ziren liburua egiteko ideia eta Construcción Europea S.A.;Europako Eraikuntza S.A.prozesu korapilatua kurritzeko beharra. Ibilbide hori egiteko toki zehatz bat izanen dugu abiapuntu, Euskal Herria, oraindik estaturik ez duen nazioa, bera ukatzen duten beste bi proiektu horiei, Espainiako Konstituzioari eta OTANi, EZ esan diena. Kolektiboki nahiz banaka isiltzen gaituen prozesu horrekiko kritikoak eta disidenteak izanik, kritika jardun osasungarria erreskatatu nahi izan dugu gure jarrera hobeki finkatzeko eta gainera datorkiguna hobeki ulertzeko.