Espedizioa Mendi ororen pisua

Name: Espedizioa
Author: Juan Ramon Madariaga

Juan Ramon Madariaga

2015

Gailurrarekin amets egiten du mendira doanak eta, hala, bada, guk amets egiten dugu: George Mallory ingelesak Virginia Woolfen Bidaiaren amaiera liburua eraman zuela Everestera 1924ko espedizioan; Fritz Luchsinger alemanak Rainer Maria Rilkeren Duiniar elegiak zeramala 1983an Shisha Pangman hil zenean; Stuart Alexander Lowek James M. Caanen Postariak bi aldiz deitzen du beti zeukala aldean elur-jausi batek irentsi zuenean. Juanra Madariagak Unai Elorriagaren SPrako tranbia handietan txikiena den Shisha Pangmara eraman bazuen eraman zuen. Hortaz, liburu horretako protagonista, Lucas, bidaide izan zuen; harekin konpartitu zituen espedizioko beldurrak, maldan gorako literaturaren plazera, lilura baten merkantilizazioagatiko kezka, naturaren basak eta bakardadeak sortzen duten poesia eta, finean, gailurrera bidean egindako barne bidaia.

17,00 €

16,15 € Kluba

Kopurua

Erosi

Xehetasunak

Argitaletxea Txalaparta

Bilduma AMAIUR

Generoa Saiakera

Edizioa 1

ISBN 978-84-16350-12-4

Hizkuntza Euskara

Herrialdea Euskal Herria

Argitalpen data 2015 mai 1

Orri kopurua 214

Pisua 294gr

Zure iritzia eman liburuaz

Iruzkinak 1 iruzkin

Aintzane Fernandez 2018(e)ko otsailaren 9(a)

Munduko 14 mendi altuenen artean txikiena den Shisha Pangmara egindako bidaia hari gidaritzat hartuta, barne eta kanpo bidaia kontatzen digu Madariagak. Mendia edo bidaiatzea maite duen orok irakurri beharreko lana dela uste dut, baina kronika baino askoz gehiago dela esango nuke: literatura, abentura, natura eta intimitatea nahasten dituen liburu miragarri bat da Espedizioa. Ez dakit niregana iritsi zen edo ni harengana hurbildu nintzen, baina momentu berezian heldu zitzaidan eskuetara. Irakurtzeari ekin nionean Nepalera eta Himalaiako mendietara bidaiatzea buruan neu- kan. Madariagak zalantza guztiak urrundu zizki- dan: hara joan behar nuen.

Egilea/k ezagutu

Juan Ramon Madariaga

1962

Euskal filologian lizentziatua, eta Euskal Filologiako Doktoretza Ikastaroak eginak Deustuko Unibertsitatean. Berton jardun du urteetan irakasle. Gaur egun, ostera, Nontzeberri.com izeneko webgune kulturalean egiten du lan. 1988an, Bizkaiko Foru Aldundiko Olerki Saria irabazi zuen Imentzioaren Pergamuak (1989) izeneko poema-bildumarekin. Harrezkero beste hiru liburu plazaratu zituen: Galera Errepikatuak (Susa, 1992) eta Elaien Ausardia Imajina Euskadi saria izan zena 1991ean (In Neguko Antzarrak, Deustuko Unibertsitatea, 1993). Gero, Argia sortzen den izartegia plazaratu zuen (Alberdania 1996). Azken obrari esker 1997 Kritika Saria eman zioten. Ultimísima Poesia Española Antologia, MILENIO izeneko liburuan plazaratu zituzten gaztelaniaz jarritako bere poema batzuk. Zarautzeko Olerti Etxeak, Ipar Norabidea sailean, plazaratu zuen antologia txiki bat, bere liburu guztietatik ateratako poemez horniturik dagoena eta Orbanak titulupean argia ikusi duena. 2000ko abenduan, Euskaltzaindiak antolaturiko Felipe Arrese Beitia saria eskuratu zuen Amodioa Batzuetan izeneko poema liburuarekin. 2001eko urrian Gasteizko Bassarai argitaletxearekin Física izeneko lanaargitaratzen zuen. Garai hartan ere, Centro de Estudios Literarios y de Arte de Castilla y León delakoak Quinta Del 63 titulupean agerturiko liburuan bere poema batzuk irakur daitezke gaztelaniaz. Izozmendiak poemarioa, Susa argitaletxearekin atera zuen 2003ko udazkenean. Eta 2009an Eroriaren logika izeneko poema liburua publikatu zuen. Espainiako Kritika Saria eman zaio liburu horri. Literaturarekiko grinaz gain, mendiekiko lilura izaten du. Alpinista, eskalatzailea eta mendizalea ere bada. Pirinioetatik Alpeetara, eta handik Andeetara egin zuen salto (Aconcagua, Ojos del Salado, Huascaran, Artesonraju,…). Gero handienak etorri ziren Cho Oyu (2003), Broad Peak (2007), Everest (2008), Shisha Pangma (2010) eta Gasherbrum I (2011). Lhotse eta Gasherbrum II mendietan ere saio ustelak egin zituen. Satopanth (7.075m), Ama Dablam (6.843m) eta bestelako sei milakoak ere igoak ditu.

Harremanetan jarri