Emakumeak teknologiaren historian Asmatzaileak eta aitzindariak

Gontzal Avila

2020

Ilustratzailea

Iosune Avila

Gaur egun, badakigu asko eta asko direla historian zehar teknologiaren esparruari ekarpenak egin dizkioten emakumeak. Baina gutxik lortu dute aitortza, beren asmakizunetatik eta lanetatik bizitzea eta gizartearen esker ona jasotzea. Gehienak, tamalez, ez dira aintzat hartuak izan, eta, horien artean, asko dira gutxietsirik eta zangopilaturik bizi izan direnak. Makina bat hil dira pobrezia gorrian ere, haien sormenaz baliatu den gizarteak baztertuta eta ahaztuta, askotan.

Liburu hau urrats txiki bat baino ez da teknologiarekin, asmakizunekin, enpresarekin eta beste hainbat arlorekin zerikusia izan duten emakumeak nabarmentzeko eta egokitu izan zaien egitekoa zalantzan jartzeko.

Zoritxarrez, ordea, ezagutza merezi duten emakume asko daude iluntasunean, oraindik, orri hauetan ere tarterik izan ez dutenak. Lan honek balio beza, bada, emakume horiek guztiak apaltasunez omentzeko, eta gizarte justuago bat lortzeko zer egin handia dagoela ez ahazteko. Izan ere, ez dago ulertzerik gizateriak gaurdaino egin duen bidaia luzea, emakume horien guztien bultzada eta ekarpena kontuan hartu gabe.

18,00 €

17,10 € Kluba

Kopurua

Erosi

Xehetasunak

Argitaletxea Erein

Generoa Saiakera

Edizioa 1

ISBN 978-84-91094-97-5

Hizkuntza Euskara

Argitalpen data 2020 mai 25

Orri kopurua 240

Pisua 448gr

Zure iritzia eman liburuaz

Iruzkinak 0 iruzkin

Egilea/k ezagutu

Gontzal Avila

1959 Donostia (Gipuzkoa, Euskal Herria)

Magisteritzan diplomatua eta Biologia Zientzietan lizentziatua. Zenbait urtez Lehen Hezkuntzan eta Lanbide Hezkuntzan irakasle aritu da, eta, gaur egun, DBHn dihardu, Teknologiako irakasle gisa. Argazkilaritzaren hastapena DBHko Ikasleentzat (Erein, 2001), eta Lanbide Hezkuntzarako Osasun-arreta (Jakinbai, 2009) argitaratu ditu. Bestalde, Elhuyar (2000) eta Vida Apicola (2001) aldizkarietan erleen munduari buruzko artikuluak idatzi ditu. Narratiban ere sartu-irtenak egin ditu, eta bidaia-kronikak argitaratu ditu Egunkarian, Berrian eta Diario Vascoren Zabalik gehigarrian. Denbora librea duenean, familiarekin edo lagunekin mendira joateko eta bidaiatzeko aprobetxatzen du.

Iosune Avila

1972 Donostia (Gipuzkoa, Euskal Herria)

Biologia Zientzietan lizentziatua eta Osasun Dokumentazioan diplomatua. Gaur egun, Zumarragako Eskualdeko Ospitalean dihardu, kodetzaile kliniko gisa. Gazte-gaztetatik ditu gustuko marrazketa eta arte plastikoak, eta, hamabost urte zituenerako,musika-ekitaldi baterako 14 x 5 metroko horma-irudi bat egin zuen. Autodidakta da, eta askotariko teknikekin esperimentatzen du; baina eskuz egindako marrazkia, argazkigintza eta tresna digitalak baliatzen ditu, batik bat. Bere gai gogokoenak ilustrazioa, erretratua eta emakumeen eta animalien irudiak dira. Hainbat enpresarekin elkarlanean aritu da kartelak egiten, baita arropa marka batzuekin ehunen estanpazioan ere. Emakumeak teknologiaren historian da ilustratu duen lehen liburua.