El año que soñamos peligrosamente

Name: El año que soñamos peligrosamente
Author: Slavoj Žižek

Slavoj Žižek

2014

2011n modu arriskutsuan egin genuen amets, urte hartan errotikako politika emantzipatzailea azaldu zen berriro mundu osoan. Orain, egun bakoitzak erakusten digu zer ahula eta hutsala izan zen esnatze hura, nekadura sintoma berriek agertzen dutenez. Zer egin behar dugu etsipena hainbestekoa den garaiotan, ametsak desegiten ari direla dirudienean? Geratzen zaigun aukera bakarra zein da, erdibidekoa? Alegia, berotasunezko une goren haien oroitzapen nostalgiko-nartzisista baten eta egoera aldatzeko saiakera haiek porrota beste helmugarik zergatik ez zuten azalpen ziniko-errealista baten artekoa?

16,00 €

15,20 € Kluba

Kopurua

Erosi

Xehetasunak

Argitaletxea Akal

Generoa Saiakera

Edizioa 1

ISBN 978-84-46038-28-3

Hizkuntza Gaztelania

Argitalpen data 2014 aza 10

Orri kopurua 192

Pisua 269gr

Zure iritzia eman liburuaz

Iruzkinak 0 iruzkin

Egilea/k ezagutu

Slavoj Žižek

1949 Liubliana (Eslovenia)

Filosofo, soziologo, psikoanalista eta kultur kritikari esloveniarra. Bere obrak Jacques Lacanen pentsamendua eta materialismo dialektiko marxista biltzen ditu. Žižekek herri kulturako adibideak darabiltza bere azterketa bizietan, esaterako, Alfred Hitchcock eta David Lynchen lanak edo Kafka eta Shakespeareren literatura, eta akademiak ahaztuxe dituen autoreekin problematizatzen du —Lenin, Stalin eta Robespierre, kasurako—. Estutasunik gabe landu izan ditu gai arantzatsuak; besteak beste, fundamentalismoa, antikapitalismoa, tolerantzia, subjektibitatea eta politikoki zuzena filosofia posmodernoan. Ez dator bat oro har Europako ezker unibertsalistaren postulatu intelektualekin, ezta, zehazki, Habermasek posnazionaltzat dituen horiekin ere; aitzitik, Europan zabalik diren prozesu subiranisten alde argi eta garbi agertu da Žižek. Teoria psikoanalitikoaren lacandar bertsioa armatzat erabili du nazioarteko politikari buruzko ohiko analisiak egitean, ez soilik liderrak eta haien ustezko arazo psikologikoak aletzeko, baizik eta gizartea osorik aztertzeko. 1990ean Esloveniako Errepublikako presidentetzarako hautagai izan zen, nahiz eta garaile atera ez.