El amor libre Eros y anarquía

Amodio askea kontzeptua harreman askearen sinonimotzat hartu izan zen denbora luzez, hots, lege zibilengandik edo erlijiosoengandik banandutako harremana. Senar-emazteak bereiztezinak eta dibortzioa eztabaidarako arrazoi ziren garaian, iskanbila iturri izaten zen bi pertsona legeari uko eginez elkartzea eta “maitasuna bukatzean” banatzea; halere, ez zuen zertan sexu-askatasunarekin zerikusirik izan. Gainera, orokorrean, gizon baten eta emakume baten arteko harremanaz mintzatzeko erabiltzen zen, ez sexu bereko pertsona bi edo gehiagoren erlazioaz aritzeko. Behin ezkontzari, familiari eta “betiko” elkartutako gizon-emakume bikoteari sakratutasun kutsua kenduta, esperientziak hau xuxurlatzen digu belarrira: leialtasuna ezinezkoa da, monogamia irudipen bat baino ez da, eta desiraren legeak ohituraren legeen gainetik daude. Xalotasunak oihukatzen du maitasunak askea izan behar duela, afektuak anitz direla eta desirak arau naturalei kasu egiten diela, ezarritako edozein arau sozial baino antzinagokoak eta gorenagoak diren arauei. El amor libre izenburua jarri diogu lan hautaketa heterogeneo eta gehienbat heterosexual honi. Omenaldi bat izan nahi du, bai dagoeneko klasiko bihurtu den liburu eta artikulu anarkista anitzen izenburuari, bai tradizio erromantiko eta modernistarekin ere lotura duen idealari.