Home
Nobedadeak
Aldjezairia askatuta

Aldjezairia askatuta

16,00 € 15,20 € Kluba

Saskira gehitu

Azala deskargatu

Aldjezairia askatuta

Txomin Peillen Karrikaburu

2013

Hitzaurre-egilea

Joseba Sarrionandia Uribelarrea

Txomin Peillenek 1960ko hamarkadan Aljerian egin zuen soldaduska, bertako biztanleak Frantziako metropoliarekin errukirik gabeko borrokan zeuden bitartean. Borroka hori da liburu honen muina eta ardatza; Aldjezairia kolonialismoaren atzaparretatik libratzeko egiten ari den ekinaldi bortitza. Zortzi ipuinez osatua dago liburua, gaien eta ikuspuntuen aldetik harrigarriak guztiak, eta, horrez gain, euskaldunok gerra horretan izan genuen parte hartzeari buruzko hainbat artikulu biltzen ditu ere. Ipuinok idatzi eta mende erdira, eta aurrenekoz argitaratu eta hogeita hamar urtera, Txomin Peillenek eta Joseba Sarrionandiak apailatu duten edizio hau argitaratzen dugu, Aljeriaren historiaren parte izateaz gain, gure herriaren historiaren parte ere badelakoan.

16,00 €

15,20 € Kluba

Kopurua

Erosi

Xehetasunak

Argitaletxea Txalaparta

Bilduma AMAIUR

Generoa Saiakera

Edizioa 1

ISBN 978-84-15313-56-4

Hizkuntza Euskara

Argitalpen data 2013 api 3

Orri kopurua 142

Pisua 219gr

Informazio gehiago

Zure iritzia eman liburuaz

Iruzkinak 0 iruzkin

Egilea/k ezagutu

Joseba Sarrionandia Uribelarrea

1958 Iurreta (Bizkaia, Euskal Herria)

Soziologia eta euskal filologia ikasi zituen. Anaitasuna, Ibaizabal eta Zeruko Argia aldizkarietan argitaratu zituen bere lehen lanak, Pott bandaren kideetako bat zela. Kartzelan egon zen, 1980tik 1985era arte, bafle baten barruan ihes egin zuen arte. Geroztik, erbestean ibili da. 2016an jakin zen Habanan zegoela, eta unibertsibertsitatean euskara eskolak eman ditu. 2021ean Euskal Herrira itzuli da. Urte guztiotan, iurretarrak obra zabala idatzi du, eta literaturaren bidez egon da gure artean. Genero ia guztiak landu ditu: kronika, ipuin, eleberri, saiakera, poesia eta gazte literatura. Txalapartarekin, Hitzen ondoeza (1997), Kolosala izango da (2003) eta horren itzulpen Será colosal (2016) argitaratu ditu.

Joseba Sarrionandia Uribelarrea idazlearen beste liburu batzuk

Munduari bira eman zion ontzia (Azal gogorra)

¿La poesía está muerta? Hilda dago poesia?

Txomin Peillen Karrikaburu

1932 Paris (Frantziar Estatua)

Euskaltzaina. Biologian, Filologia Hispanikoan eta Hezkuntza Zientzietan lizentziaduna. Euskal Ikasketetan doktorea. Igela aldizkariaren sortzailea Jon Miranderekin batean. Txomin Agirre saria hiru aldiz irabazia, horietako bat Gauaz ibiltzen dana nobela beltzarekin. Beasaingo Udalaren saria (1984); Espainiako Urrutiko Hezkuntzarako Unibertsitate Nazionalaren saria (1995); Euskal Herriko Idazleen Biltzarraren saria (Sara, 2008); Agosti Xaho Kultur Elkartearen Saria (2009); Eusko Ikaskuntzaren Manuel Lekuona Saria (2009). Hamaika liburu argitaratuak, literaturaren alor guzietan. Argitaratu dituen nobela beltzak: Gauaz ibiltzen dana (1967), Itzal gorria (1972), Gatu beltza (1973), Alarguntsa beltza (2001) eta Ipuin beltzak han eta hemen.