Nagib Mahfuz

1911 El cairo (Egipto) - 2006 El cairo (Egipto)

Unibertsitatean filosofia ikasketak burutzen zituen bitartean arabiar literatura irakurri eta ikertzeari ekin zion. 30eko hamarkadaren bukaeran kontakizunak eta eleberri historikoak idazten hasi zen, Tebaseko bataila kasu. Pixkanaka gai historikoetatik aldendu eta jite sozialeko liburuak idazten hasi zen, 50eko hamarkadan Kairoko trilogia famatua argitaratu zuen arte. Arabiar literatura modernoaren aitatzat hartua, Egipton eta nazioartean bere ospea handitzen joan zen 1988an Nobel saria irabazi zuen arte. 1994an bere liburuak blasfemariak omen zirelako gizon batek sastakatu zuen eta geroztik osasuna nabarmen narriatuta izan zuen.