Jesús Valencia López de Dicastillo

1943 Zirauki, (Nafarroa, Euskal Herria)

Iruñeako apaiztegian ikasi zuen, eta Giza Hezkuntzan diplomatua da. Andeetako mendikatean bizi izan zen zenbait urtez, baita Guayaquil (Ekuador) hiriko aldirietako auzo batean ere. Giza hezitzaile aritu zen denbora luzez, eta orain erretiratuta dago. Euskadi Elkartasun Komiteen Koordinakundearen sortzaileetako bat izan zen, eta Euskal Herria bai, OTAN ez, Askapena eta Amaiurko Quetzal Agiria plataformetan ere parte hartu izan du. Gainera, Nazio Eztabaida Gunean ere badabil, eta Independentistak mugimenduaren sustatzaileetako bat izan zen. Exodo eta Judimendikoak aldizkarietan eta Gara egunkarian kolaborazioak egiten ditu. Herria 2000 Eliza aldizkariko erredakzio taldeko kide ere bada, eta bertan plazaratu ohi ditu artikulu anitz.