Imanol Murua Uria

1966 Zarautz (Gipuzkoa, Euskal Herria)

Euskal idazle eta kazetaria. Argia astekarian (1987-90), Egunkaria egunerokoan (1990-1995 eta 1999-2003), Jakin kultur aldizkarian (1995-1998), Egunero egunkarian (2003) eta Berria egunkarian (2003- ) aritu da kazetari. 1996an Rikardo Arregi Saria jaso zuen, Erreportaia Sailean, Humberto Unzuetarekin batera, Irlandako bake prozesuari buruz Egunkaria-n argitaratutako lanengatik. 2006an Rikardo Arregi Sari Nagusia jaso zuen, Berria egunkarian Politika Sailean idatzitako lanengatik. 2008an prentsa idatziko Argia Saria jaso zuen, Berria egunkarian Politika arloan idatzitako lanengatik.