Une honetan ez duzu ezer saskian. 
Hezkuntza birpentsatzeko irakurgaiak
Bell hooks idazle eta aktibistak Enseñar pensamiento crítico liburuan erakutsi zuen ikaskuntza dela pentsamendu kritikoa garatzeko eta aniztasuna, berdintasuna edo demokrazia defendatzeko lehen espazioa. Aktualitatea galtzen ez duten gaiak dira hezkuntza sistemari lotutakoak, eta egile askok teorizatu eta idatzi dute haiei buruz. Hona aukeraketa bat.
Hezkuntza, dena aldatzeko
Hezkuntza askatasun esparrutzat duen edonorentzako Enseñar pensamiento crítico liburua ezinbestekoa da. Irakaskuntzarako tresna ausartak biltzen dituen eskuliburua izateaz gain, dena aldatzen saiatzen da, baita geure burua ere. Hookek zalantzan jartzen du nola ikasi dugun orain arte, zalantzan jartzen ditu erreferenteak, eta zalantzan jartzen du, besteak beste, egile arrazistek eta sexistek idatzitako lanetatik abiatuta irakatsi ikasteko aukera ematen digun oreka konplexua.
Munduari anizatsunetik helduko dion hezkuntza bat behar dugu... Hezkuntza askatasun jardun gisa indartuko duten ezagutza ereduak sortu nahi baditugu, inoiz baino beharrezkoa da ikasle eta irakasleek uler ditzaten nazionalitatearen, arrazaren, sexuaren, klasearen eta sexualitatearen araberako ezberdinkeriak.
Euskal hezkuntzagintzaren erronka zahar eta berriak, aztergai
«Hezkuntza, askatasunerako aukera ala herritarrak bezatzeko estatuaren tresna». Dikotomia hori proposatu du Nora Salbotxek Askatu ala moztu liburuaren hasieran, eta euskal hezkuntzagintzaren erronkak aztertuta, hura iraultzeko beharra aldarrikatu du; euskal hezkuntza sistema publiko-komunitario euskaldun, feminista, demokratiko eta aske baten korapiloa dekolonitateetan askatzeko.
Esparru oro politizatu behar da, eskola-bizitza zerbaiten gainean sostengatzen baita; curriculumaren bitartez gure gorputzak, gure presentzia neutralizatzen edo naturalizatzen saiatu dira. Gure egote hutsean politizatu behar dugu dena.
Iruzkinak 0 iruzkin