Amaiur. Herriaren gaztelua

Amaiur euskal Pirinioetako herrietarik ederretako bat da. Gorramendi eta Alkurruntz mendien artean kokatua, haien mendi-mazeletan sortzen diren errekek Aranean isurtzen dituzte urak. Otsondoko lepoa gainditu eta Pirinioen ipar arrora iragan baino lehenagoko hondar pausoa da. Aunitz dira pagoak inguruetan, zeinen aldakerak lainoek buztitzen baitituzte, ez dira guti harrizko lauza handiz inguratutako belai berdeak; kaikuaren artzain-kulturaren lekuko da tea, orobat, aspaldi-aspaldiko tradizioen gordailu. Euskararen herria da.