Zalditeria gorria

Zalditeria Gorria argitaratu eta handik bi urtera, Budionni gudalburuaren eta Gorkiren arteko polemika piztu zen. Militarraren hitzetan, Babelek gezurrez josi zuen liburua. Zalditeriaren izena belzteaz gain, ez zuen dialektika marxista menderatzen, ez zuen gudu zelaia zuzenean ezagutu eta atso kontakatiluen esamesetan erortzen zen. Liburua bere soldadu ausarten aurkako libelo bat zen. Gorkik literatur langintzaren defentsa eginez erantzun zion, eta zentsura eta errealismo sozialistan oinarritutako irizpide literarioak gaitzetsiz. Gorkik soldaduen deskribapen biziak goraipatu zituen, baita Armada Gorriko masaren deskripzio psikologikoak ere. Errusiar literaturan Babelen liburua paregabea zela esan zuen. Gudu zelaiaren berri zuzenik ez izateari dagokionez, Gorkik erantzun zion Budionniri sukaldariak ez duela bere burua lapikoan zertan sartu zopa egiteko.