#Itsasoadabidebakarra (LIB+CD)

Ia sei urte pasa dira azkenekoz inesek bota zuriak jantzi zituenetik. Urte hauetan amatasuna, zaintza eta gaixotasunak izan ditu hizpide. Ez dira urte errezak izan baina horrek ez du bere eszenatokietara igotzeko gogoa eta sorkuntza itzali. #alutik proiektuarekin hainbat kontzertu burutu zituen 2017 eta 2019 artean. Kontzertu haietan biluzik eta erregistro intimo batean ezagutu genuen ines. Eta Joseba Sarrionandiarekin batera ikusi dugu urtarril amaieran, eta Kubara ere joan da kantu berriak sortu eta grabatzera. “Bidai luzeko kantuak dira hauek, edo, hobeto esan, kantuak dira bidaia. Euskal Herritik Haba-nara, eta bueltan, hain zuzen. Duela ia hamar urte Joseba Sarrionaindiak Habanan sortu zituen dozena bat testu, Atlantikoa zeharkatu eta Euskal Herrira heldu zirenak eskuz esku, konplizez konplize, sekretu bat konpartitzen dutenen artean sortzen den zirrara hori lagun. Testuok gure eskuetara iritsi ziren eta guk kantu egin genituen. Habanan jaio eta Euskal Herrian hazi ziren kantuok. Orain, urteak pasa direla, idazle izoztua Euskal Herrian da, eta, kantuok hartu eta bueltako bidaia egin dugu.” (ines osinaga)